ثورة....................مش
ثورة............ثورة..................مش ثورة..............ثورة .............مش
ثورة...................ثورة..............
خلي الثورة تنفعكم
ادي اللى
خدناه من الثورة
عجلة الانتاج
خسائر البورصة
الفتنة الطائفية
الانتقام من داخل طرة
حكومة ثورة
الفلول
الاحزاب
أقتحام
قناة الجزيرة
اعتصامات
ماسبيرو
قتل
الجنود على الحدود مع اسرائيل
اقتحام
السفارة الاسرائيلية
تحطيم
سور السفارة
عدم
محاكمة مبارك سياسيا
المظاهرات
الفئوية
6
ابريل
العزل
السياسي للحزب الوطني المنحل
الالتراس
الشرطة
فين؟
المحاكمات العسكرية للمدنيين
الحد
الاقصى للاجور
ارتفاع
الاسعار
مجلس
انتقالي سوري
ضحايا
المجازر في اليمن وسوريا
مش
هي دي كل اخبارك يا مصر من ساعة التنحي , هجيبهالك على بلاطة ,
-
بالنسبة لعجلة
الانتاج :
-
مين قال ان عندك
عجلة اصلا انتي نسيتي يا مصر انها اتباعت مع المصانع اللى اتخصخصت ومن ساعتها بنستورد الكبريت المضروب من
الصين وعندنا الكبريت الخام في الصحرا مش لاقي اللى يولعه
-
- خسائر
البورصة:
-
وهي من امتى بتكسب
؟ الجديد بس اننا بنسمع الارقام الحقيقية
-
-الفتنة
الطائفية:
-
فين ؟ مين؟ ايه؟
-
-الفلول:
-
فيه ثورة في الدنيا
يا شيخة يطلع معارضيها على الفضائيات يقولوا اصل
-
احنا فلول
-
أصل انتي لو بلد
....زي بقية البلاد ما كنتيش خرجتيهم من بيوتهم اصلا
-
(حسبي الله
ونعم الوكيل فيك يا مخلوع فسدت البلد كلها من اكبر واحد لاصغر واحد ,حللت
الحرام وخليت الدين تجارة واداة للنصب,
موت كل الضمائر ولغيت كل المبادئ والاخلاق ......بس هتروح من ربنا فين)
-
- اقتحام قناة
الجزيرة:
-
لأ واللى زاد وغطى تعملي عملتك السودة في قناة
الجزيرة وانتي عارفة انها عينينا اللى بنشوف بيها (كسفتينا قدام العالم كله)
-
-قتل الجنود
على الحدود:
-
الحاجة الوحيدة
اللى التزمتي بيها هي اتفاقية السلام وسايبة ولادك لاسرائيل بيتعلموا فيهم النشان
وبيصطادوهم زي العصافير على الحدود ومش عارفة تدخلي بندقية واحدة لسينا
-
لا وبتبني سور تحمي
سفارتها
(بصراحة اللى تنحى مامتش لكن اللى اختشوا هما اللى ماتوا)
-
حذرتك يا مصر
وقلتلك لو ما اخذتيش قرار صح ولادك هياخدوه بايدهم .
-
- نسيتي
العبارة يا مصر ........العبارة اللى غرق فيها 1200 واحد وتاني يوم كان عندك ماتش
كورة ...........هتكرريها تاني في ماسبيرو
...دم ولادك رخيص كده
-
- ارتفاع
الاسعار: ما هي على طول بترتفع ولا اول مرة يعني؟ اكملك أنا....
-
وازمة الغاز
والبنزين واجرة المواصلات..........واللحوم المستوردة الفاسدة..........
-
(تصدقي انك
مش وش نعمة وخسارة فيكي الثورة واللى عملوها ......دم الشهداء في رقبتك شوفي
هتتحمليه ازاي)
-
- المظاهرات
الفئوية :
-
يا تسكتي يا توفي
بوعدك , ومش صعبة,طلعي اللى تحت البلاطة واللي كانوا بياخدوه الحرامية هتديه
لولادك وهما اولى بخيرك
-
وفيه حاجة تاني ليه
لسه ما حددتيش الحد الاقصى للاجور ؟ عندك
الختم في الدرج والقلم على المكتب وقعي مستنية ايه ؟ وكل دا يتوزع بالعدل
-
- مش هينفع
نحاكم مبارك عسكريا عشان مفيش قانون بكده؟
-
ربنا يديكي الصحة
-
-زهقتي ولادك
اللى بيحموكي وبيحبوكي
-
خونتيهم وكذبتيهم
وحاكمتيهم عسكريا (دلوقتي فيه قانون بكده) ولو ما راجعتيش نفسك , ساعتها مش
هتلاقيهم ولا هتلاقي نفسك
-
-عزل سياسي
سنتين لاعضاء الحزب الوطني المنحل:
-
حد قالك ان دول
سرقوا سندوتشات زمايلهم في المجلس (اقصد اللب) دول افسدوا الحياة السياسية دول افسدوا الحياة كلها ....وياريتك عزلتيهم
-
-- بصي يا
مصر انا عارفة وانتي عارفة كل حاجة يا تواجهي الحقيقة اللى انتي عاملة نفسك مش
عارفاها ومش فاهمة بستغفلي مين بالظبط؟
-
بصي يا مصر انتي
عايزة اللى يكذب عليكي ويخدعك بمزاجك .......بس انا هقولك الحقيقة في وشك
-
انا ما اقدرش اتحمل
دم الشهدا ولا موت ناس بدون ذنب
-
ولا ذنب ناس بتاكل
من الزبالة وبيشربوا مية مجاري وفيه ناس بتقيض 20 مليون في الشهر
-
انتي لوحدك تقدري
تحلي مشاكلك لو عايزة ..........يا أم الدنيا
-
مش بلومك
لوحدك.....ولادك كمان للاسف بس انتي امهم وهما طلعينلك
-
---بعد ما
كانوا بيقولوا ثورة مصر املنا وهترجع لنا امجادنا وكرامتنا و.....نا و......ناو.......نا
-
بقوا يقولوا مصر
خيبتنــــــــا الكبيرة
-
-- فهميني ما
اعترفتيش ليه بالمجلس الانتقالي السوري لحد دلوقتي ثورة زي ثورتك ولا لأ....أقولها
لنفسي قبل ماحد يقولها: مش لما تعترف بثورتها الاول
عايزة
اعرف بس دي ثورة ولا مش ثورة عشان اعمل حسابي
لو
مش ثورة اخد شنطتي واشوفلي ثورة تانية وبالمرة أحق انجلترا قبل ما الدراسة تبدا
ويدرسوها للطلبة قبل ما يطبعوا الكتب (اصلهم بيطبعوها سنة بسنة .....فاهمة)
والطلبة مش ناقصين مناهج
ولو
ثورة
.
.
.
.
.
.
.
.
.
.
.
انتوا
قاعدين ليه يلا على الميدان
اقول
قولي هذا ورزقي على الله
(بصراحة
لو مش عاجبك ازعلى : مش هقول فداكي يا مصر هقول فدا حريتي وفدا كرامتي ومش مهم
حياتي)
-
ليست هناك تعليقات:
إرسال تعليق