هل فكرت في يوم من الايام تعمل تصور للحياة من وجهة نظرك؟
انا عن نفسي ممكن اركب طيارة هليوكوبتر وابص لتحت واشوف منظر الكرة الارضية بالحياة اللي فيها من الزاوية دي.
واحد تاني ممكن يركب مركبة فضاء ويطلع المريخ ويبص عليها ويحط تصور لنفسه ,
واحد ثالث ممكن يبص من على القمر و لكن في النهاية كلها زوايا صحيح مختلفة لكن بتوصل لنفس النتيجة :
1-ان الحياة لها بداية .
2-لها نهاية .
3- قصيرة جدا ولا تستحق ان الواحد يزعل نفسه لحظة واحدة عليها الا في حالات الندم على الاخطاء و الذنوب .
قال الرسول (صلى الله عليه وسلم):
(مثلي ومثل الدنيا كرجل استظل بشجرة فقام وتركها)
شفتوا الحياة بسيطة ازاي ومش مستاهلة الواحد يقضي عمره في هم وحزن على اي شيء فات , لكن لازم نبص للمستقبل لتفاؤل وأمل.
هاقولكم على التصور اللي انا شايفاه للحياة من زاويتي وهو ان الحياة عبارة عن ورقة امتحان طويلة مليانة اسئلة كثيرة فيها اسئلة سهلة واسئلة صعبة
اسئلة تخلي الواحد يبكي ويبقى حزين, واسئلة تفرح تخلي مبسوط,
ولكن في النهاية كلهااسئلة.
لكن لو قلبنا الورقة نلاقي الاجابة في ظهر الورقة ولكل سؤال اجابته المناسبة ,
ساعتها هنعرف ان كل المواقف والحاجات اللي مرينا بيها واحنا بنقرأ الاسئلة كانت مواقف مؤقتة لحد ما نلاقي الاجابة الصحيحة عليها .
وكل ما كنت سريع في الاجابة كل ما المواقف الصعبة تمر بسرعة, ونقدر نحس اكثر بالاوقات السعيدة.
مثلا :
الابتلاء اجابته: الصبر .
والابتلاء يشمل حاجات كثيرة مثل : المرض , الفقر ...... الخ
اما النعم اجابتها :الحمد .
( المهم تكون الاجابة باقتناع تام و من القلب فعلا وبدون تصنع )
وفي النهاية النتيجة اكيد هتكون :
يا رب
يا رب
يا رب خير
الله اعلم بيها
بس انشاء الله تكون خير
