بالأبيض والأسود

ساعات كثيرة بحس ان نفسي ارجع لأيام زمان أيام ما كانت الدنيا أبيض وأسود و مفيش ألوان

ايام م كنت بسمع الراديو وانا صغيرة وبتخيل الصور بالابيض والاسود

أيام ما كنت بصحى الصبح على أبلة فضيلة

(يا ولاد يا ولاد...............)

وبنام بالليل على قال الفيلسوف

(كان لي صديق فيلسوف بأقوال الحكماء شغوف , قلت له يوما.................)

ايام ما كان واحد يعدي على ناس في الشارع يقول السلام عليكم

وهم يردوا عليه السلام

ايام ما كانت الجيران عارفين بعض كأنهم عايشين مع بعض

بيفرحو لبعض وبيحزنوا على بعض

ايام الفانوس الملون والزينة الورق في رمضان

أيام ما كان الولاد الصغيرين بيجمعوا ويلعبوا مع بعض

ايام ما كانت الناس بتخاف على بعض

ايام ما كانت الناس بتخلص لبعض

أيام ما كانت الناس يا ابيض يا اسود

مش بالألوان