نقطة ومن اول السطر

........................................
بعد كل الاخبار التي نسمعها في الايام الاخيرة  والمحاولات المستميتة من الايادي المجهولة ولكن المعروفة اهدافها وهي افشال الثورة المصرية
لابد من اعادة ترتيب افكارنا ومعرفة الى اين وصلنا وماذا تبقى امامنا من مشاوير لانجاز مهمة الثورة وتحقيق اهدافها كاملة 
المطلب الاول :تنحي مبارك والحمد لله تم
المطلب الثاني : المحاكمة لمبارك وكل رموزه 
اشعر انها محاكمات وهمية لتهدئة الشعب واخشى ان استيقظ على كابوس (عليكم واحد.........احنا كنا بنهزر احنا نقدر نحاكم ريسنا ولا نبهدله ...........)
او ان يطلب مبارك محاكمة الشعب واعدامه ..........ردا على طلبهم محاكمته........
احيانا كثيرة اشعر ان ليبيا واليمن حظهم افضل مننا بكثير رغم عدد القتلى الهائل....... كنت اتمنى لو قتل مننا عدد كبير واني اموت في الثورة(وهو شرف ومرتبة لا يرتقي لها اي انسان) في مقابل ان نتخلص من كل هذا الفساد المتوغل داخل مصر مثل السرطان الخبيث الذي لا شفاء منه الا بالموت ............
قبل الثورة كنت  اعتقد ان اليوم الذي سنتخلص فيه من مبارك لن اعيش حتى اراه........
وللاسف الان اشعر ان اليوم الذي ستعود فيه مصر دولة عظيمة بالفعل وليس بالقول ودولة لها احترامها من داخلها قبل الخارج وان يكون هناك رئيس دولة يحترم الشعب ومسؤول يراعي ضميره ويخاف على مصلحة البلد اكثر من مصلحته الشخصية ........اعتقد ان هذا اليوم لن اعيش لاراه.......
لا اعلم سبب هذا الشعور هل لانه لا يوجد امل ...ام لاننا سنحتاج وقت طويل  للشفاء؟؟؟
يا رب اعلم اننا اغضبناك كثيرا وانه يعيش بيننا لصوص و منافقين وفاسدين وقتلة ...وأننا سكتنا كثيرا عن الحق ولم نستطع مواجتهم لسنوات طويلة...تركناهم يسرقوا وينهبوا ويقتلوا ....
ولكننا تبنا يا رب ....انقذنا مما نحن فيه ...ألا يوجد فينا انسان صالح ..او طفل برىء او مريض لا ذنب له 
ان كانت هذه ذنوبنا فاغفرها لنا ....و ان كانت عيوب فينا فقد تبنا عنها ........واذا كان اختبار فاحنا صبرنا وما زلنا صابرين....
يا رب نفسي اشوف مصر دولة محترمة من غير ما اقولها بمرارة او احس ان فيه حاجة ناقصة
نفسي اشوف كل حاجة واضحة فيها بدون كذب او احس ان كل خبر وراه حاجات تانية مستخبية 
يا رب انت اعلم بما في قلوبنا ...لو كان فيه حد واحد فينا نيته خير للبلد دي ....الا يشفعلنا هذا...
يا رب انا عمري ما هسكت على حاجة غلط تاني وعمري ما هظلم حد وانا قاصدة وعمري ما هسيب حقي يتاكل تاني
وهعمل كل اللى اقدر عليه حتى اخر نفس عشان انظف البلد دي  ..من اللى فيها ........البلد اللي بقت عاملة زي الست العجوزة المحنية من كتر الهم اللى شيلاه والامراض اللى في جسمها والزبالة اللى لبساها
ان شئت يا رب هخليها احسن بلد في الدنيا واخليها شبعانة ودايما رافعة راسها وبتبتسم للدنيا كلها .......وعمري ما هغضبك تاني ....ولا ابيت مصر زعلانة .......... 
وبأذن الله هبدأ من دلوقتي .لان مفيش وقت نضيعه أكتر من اللى فات.