ثقافــة
فيه ناس لما تضايق
تملا البانيو وشوية بخور
وشمع ومزيكا واغاني
أو تروح تحكي
وتاخد وتدي
مع طبيب نفساني
أو تطلع شرم الشيخ تاني
ودي ثقافة ...
وفيه ناس لما تتخنق
ترجع تقلب ف اللي فات
وتجيب الصور والذكريات
وتاخد جوافة وبلح أمهات
وتروح تزور الميتين ف القرافة
ودي ثقافة ..
وناس تلم العيال
وربع لب ونص سوداني
وفيلم قديم لإسماعيل ياسين
أو نجيب الريحاني
أو تعدي ع الحلواني
وكيلو مشكل
وتكتر الكنافة
وتكتر الكنافة
ودي برضه ثقافة ....
والكل مجروح
ونفسه يبوح
بس مش عارف
هذه هي الحياة
ان تتنازل عن متعك واحده تلو الاخرى
حيث لا بيقي منها شيء ........
وعندئذ تعلم انه حان وقت الرحي
حالة وفـــــــاة
البيت كبير.. 
لكنه فاضي..
.وبارد أوي من جواه.
.والشكل بني آدمين..
بس مين روحه معاه..
وعلي أد كبر الألم..
علي أد ما بننساه..
ياه..مش ممكن يكون.
هو ده شكل الحياة..
ولا دي معاناة.
ولا دي معاناة.
ولا إحباط..
خايف يكون فيه شيء..
جوانا مات..
ودي حالة وفاة..
اذا خرجت الكلمة من القلب...دخلت الى القل
واذا خرجت من اللسان...لن تتجاوز الآذان....
كيس بلاستيك
من كتر ما الحزن رطرط ……
مبقاش خلاص يتحس ….
فضلت الأحلام ……
تتقص تتقص تتقص …
لحد ما بقت ف النهاية ….
رغيف …….
وكيس بلاستيك .
وبس ..
عارف ..
بصحى قلبى …
عشان يحب …
قام بقرف …
واتلفتلى وبص …
ورجع نام تانى …
من اعمال علي سلامة
ليست هناك تعليقات:
إرسال تعليق